قديم جاي يتأسف وجاب اعذاره
شاف الجديد معاي كبرت ناره
مايعنيني
يحساب بكلامه يبي يرضيني
بعد ماتركني هو اللي جافيني
صوبه مشى قعد إلا خباره
لومالفى توا وراته عيني
ماعاد من وجهه نجيب اماره
يرحل عني
ماعاد يلزمني ولا يشغلني
زمان كان معاي قطعة مني
واليوم اصبح تحت التراب تواره
جديدي اللي درته خلاص افهمني
نمشي معاه نكمله مشواره
رفضته عذره
كل حد منا بعيشته وبقدره
يبعد عليا بعيد يمشي ودره
العيشة بلا الاقدار غير خسارة
حصل كيف تخبيله حرير في سدره
علق كيف علقه حوت في صناره
قديم جاي يتاسف وجاب اعذاره
شاف الجديد معاي كبرت ناره
قلمي
الشاعرة ربيعة محمد
