انريد في حياتى انروق حتى روقه
حسيت عينى للشقاء....
مخلوقه
(حتى ساعه )
علي طيف ماصدقت يوم وداعه
تحت قبر صاير واللحايد فوقه
الله يرحمه هلي جميل اطباعه
ديما عليه القلب كاثر شوقه
(امغير دقايق )
لو نعيشهن من عمر نبقي رايق
فاقد عرب تنفع اوعلمي ضايق
نوم الهني للعين لا مانذوقه
امفيت الشقاء والهم ماني ذايق
والروح من ياس الحياه مخنوقه
(ماني لاقي )
الراحه ولا بالوقت ماني شاقي
امسامح عليه العمر هلي باقي
حلاوة ايامي كلها مسروقه
حتى ولو صادف نهار افراقي
هلي قلب مو واخذ صحيح احقوقه
عليهم اللي غابو كثير اشواقي
من اغيابهم كبدي بقت محروقه
حتى روقه
حسيت عيني للشقاء مخلوقه
انريد في حياتى انروق حتى روقه
الشاعر
محمد العقوري
