الأصحاب من مختارات الشاعر عزالدين ريش

لآصحاب كل حد منهم إمفارق سِربه ،،
( خذتهم الدنيا ،، ونا خذتني غُـربة ) ،،
السـرب تفـرّق ،،
راح كـل حـد منـهم ( بعـيد إدرّق ) ،،
خـذتهم الدنـيا ،، والسـراب ايبـرّق ،،
والعـبد كـيف راد ( الله ) يلـقط دربه ،،
فيـهم اللـي شـد الطـريق وشـرّق ،،
وفيـهم اللـي مـازال ( صامـد ) غَـربهْ ،،
وفـيهم اللـي حـافر بعـيد إمغـرّق ،،
دخل في الخطوط الحُمر راح استـربا ،،
اشتـقنالهم ،، شـوق الغريب ايحـرّق ،،
ولا هـي عـلى وَكْــلَةْ ،، ولا هـي شََـربةْْ ،،
قلـيل مـن إيحـسّ وجـبهته إتّـعرّق ،،
ونـادر اللـي  ( مـا غاب وقـت الكَـربة )