مرات تلزمك تطري أعيون نعاسه
ما أنسيتهن
عيون سهايا ... مرات تلزمك منهن أتدير أحكايا
تجرك علي تخطيرهن سهرايا ... أتجيك من عرب مو قاصدين أمواسا
شمات حال غايتهم أتجي حواحايا ... أتخرب خاطري بينه وبين أحساسه
وأتصير فتنه في ثلاث هنايا ... ونجع العواقل نشتهو مجلاسه
ونبقو كما هالواهمين كبايا .... إللي صدقو سهراية الوسواسه
وين ما علينا جردو غزايا ... وضحكو علي واجد بكل خساسه
خلايق أيريدوها أبلاد وصايا ... حاسدينها في حصن واثق ساسه
أعيون رغيبه ... مرات يخطرن نطري طويل الغيبه
الغالي إللي مابا يهون سريبه ... أنزال خاطري مالك جميع حواسه
وألها والوقت ماسك عهدنا وافيبه ... وكي أخلاص بوجابر معاي أخلاصه
ولد أجواد ما تمسك عليهم عيبه ... نفيس صنفهم فالناس كيف الماسه
تريس هل أمجاد وهل أفخار وهيبه ... قديم نجعهم مشهور واعر باسه
فراسين مافيهم أعريب عطيبه ... قليدهم أسقا مامن عدو من كاسه
غوش عز المعقرب شويه ونيبه ... مامن جمل سوف جملهم داسه
مو كل شي أعلام ...وموش كلشي لازم علي الأزلام
أوقات تلزمك تجبد سريب أميام ... عليك لطهن حكم الزمان وناسه
حتى والموازا والأفراق أقسام ... إللي توجعك تشميت الغطراسه
مالهم مثيل الأ ضنا الحرام ... إللي من جررهم كاثرة النجاسه
أنجاس تاجرو بالدين والأسلام ... وهم كل حد فيهم أخباث أنفاسه
وناس تبعوهم واهمين عوام ... نين عالرقاب الكفر جر أمواسه
وبان كل خافي كي جلا الظلام ... وقول المحذر كل ليبي قاسه
الراجل إللي مابا إيهاب أصدام ... وفارق وهو شامخ أمعري راسه
مو كل شي سياسه
